Transcription
1
Monsieur, je ne scay sy avés receu la lettre que je vous escriptz
2
hyer de la prinse du pacquet que vous envoyés sahault dessus.
3
Je vous ay escript aussy ce matin de la prinse d’Alais que
4
je masseure que en aurés esté adverty. Jey advisé avec le
5
cappitaine Lorient dy aller ceste nuict avec une trope de
6chevaulx [barré : pour a ] conduictz par le cappitaine Lorient à cause que
7
ma fiebvre me tient ; et nesut esté cella, je y fust allé
8
pour assayer de rompre les mollins, attendant comme il
9
vous plairra puis den fère. Jey ouvert la lettre que monsieur
10
le president de Portes vous escript, ensemble celle de
11
monsieur de La Tivollyère et du sieur du Monestier,
12
lesquelles je ney peu fère coppier, mais je retiens une partie
13
de la substance. Parquoy, quand il vous entendrés dire quil
14
y aura quelques pacquetz prins et il vous plaict men
15
advertir, je ne fauldrey vous envoyer ce quil contiendra
16
dont il vous plairra men escripre vostre vollunté sy je les
17
verrey ou non et si jen retiendrey une coppie de tous
18
ceulx qui sadresseront à vous. Attendant vous commandementz,
19
je supplyerey le Createur,
20
monseigneur, quil vous reserve en bonne prosperité, heureuse vie
21
et longue. De Vallence, ce XXIIIIe jour de febvrier 1574.
22
Vostre très humble et très obeissant
23
serviteur
24
Le mestral.